Graçanicë, 12 dhjetor, 2024 – Një diskutim konstruktiv dhe angazhues shënoi takimin e katërt të platformës joformale për organizatat e shoqërisë civile serbe të Kosovës, i cili u mbajt më 12 dhjetor, 2024. Takimi përfshiu reflektime mbi vizitën e fundit të delegacionit në Berlin, ku pati pjesëmarrje në një sërë takimesh të dialogut politik. Agjenda u përqendrua në një analizë të zhvillimeve më të fundit politike dhe të sigurisë dhe ndikimin e tyre në komunitetin serb në Kosovë. Gjithashtu, u zhvilluan diskutime mbi mënyrën se si platforma mund të adresojë këto sfida dhe u përcaktuan planet për aktivitetet e ardhshme të fokusuara në nisjen e dialogut në mes të komuniteteve Shqiptare dhe Serbe përmes Forumeve të kontratës së re shoqërore.

Platforma u krijua si pjesë e projektit “Lëvizja nga Integrimi drejt një Kontrate të Re Sociale për një Kosovë të Vërtetë Multietnike”, i mbështetur nga Ambasada e Mbretërisë së Holandës në Kosovë dhe e zbatuar nga Qendra për Veprime Shoqërore Afirmative – CASA dhe Hapsira/t pčr ndryshim shoqëror – Space/s. Misioni i platformës është të fuqizojë dhe të amplifikojë zërat e grupeve të nënpërfaqësuara brenda komunitetit serb, si në veri ashtu edhe në jug të lumit Ibër. Iniciativa vendos një theks të madh në promovimin e barazisë gjinore dhe adresimin e nevojave të ndryshme të komunitetit serb të Kosovës.