Ëndrrat dhe realiteti është një ngjarje artistike e fokusuar në muzikën dhe poezinë rome. Është pjesë e projektit “Soundscape Urban: Rhythm Multicultural of Kosovo” i financuar nga Ministria e Kulturës, Rinisë dhe Sportit të Republikës së Kosovës. Ai promovon multikulturalizmin dhe dialogun ndëretnik përmes artit dhe muzikës, ndërsa pasuron hapësirën artistike të Prishtinës me tingujt e komuniteteve pakicë si pjesë integrale e diversitetit të shoqërisë kosovare.

Duke u njohur me tingujt e shpirtit të një komuniteti, në këtë rast të muzikës dhe poezisë, njihemi edhe me tingujt e jetës, të shpresës, trishtimit, gëzimit e shumë ndjesive të tjera. Këtë herë do të njihemi me frymën e komunitetit rom përmes performancës së oktetit rom “Kujtim Paçaku” me këngë të vjetra rome, tingujt e kitarës së Driton Berishës dhe leximin e poezisë nga Edis Galushi.

Ngjarja do të zhvillohet më datë 13 Qershor 2024, ora 20:00, në Qendrën Barabar, në katin e katërt të Hotel Grand.

Ky event zbatohet nga fondacioni Space/s for Societal Change – Spaces, ndërsa projekti në tërësi realizohet në partneritet ndërmjet fondacionit Spaces dhe OJQ-së CASA me kontributin e Qendrës Barabar.